Ba Ó Timor

Ba ó ha’u rai doben Timor

ba ó lafa’ek nia klalatak

husi ne’e ho neon no laran hakraik

ha’u agradese ba ó matak bé furak

hafutar ona ha’u ho ó-nia soin.

Ba ó ha’u rai doben Timor.

ha’u hatene loloos husi istória,

kona-ba lakon no roman laek

kona-ba mata been iha susar laran,

ba ha’u nia liberdade.

Ha’u la hasoru terus nune´e,

tan ha´u ain ladauk sama rai.

Ha’u haksolok tan liberdade,

bei sira be mate tán o-nia naran,

ha´u luu turu no hanoin.

Halulik ho rán be suli 
iha liman kro´at sira nia interese.

Husi ne’e ha’u sei tatoli, 
liu husi pombu mutin be liras la kolen,

atu mundu raiklaran rona.

bandeira be harii ho semitériu 
hektar lubuk ba wa´in.

Metan, kinur, mean no mutin,

naran Maubere no Buibere ba nafatin

"Orgulho de ser timorense"                                                                     

Ferina varela

Praia, 24 de maio de 2018